رقية تحكي
غا نحكي على أول تجربة صنع حذاء( من تصميمي الخاص هو فقط موديل تقريبي نظرا لعدم توفر الامكانيات... ) للي بكل صراحة كنت كنعتابرو شيء عادي وكنت مستاهنة بيه نوعا ما ماشي تقليلا اواحتقارا لا ؛؛حاشا ؛ ولكن كعمل فيه مجهود بدني وفكري وتقني! هادشي للي غادي نكتاشفو فتجربتي ونا كنخدم هاذ الصباط وعرفت ان هذه القطعة ماشي سهلة التركيب والصنع بل تحتاج هندسة دقيقة في كل تفصيلة_ ولو صغيرة_من تفاصيلها. وان الاسكافي كيدير حساب لكيف هاد الصباط يكون مريح،شيك و جودة عالية وكيفاش هاد البياسة الصغيرة تهز ثقل ديال الجسم كلو خاصة فالكعب العالي ،و كيفاش الزبون يخرج من المحل راضي وفرحان . الكوردونيي للاسف ما خداش حقو وقيمتو فالمجمتع خاصة الشرقي لانو هاد المهمة غير محبذة عند معظم الناس ولكن الاسكافي بكل صراحة ماشي شخص عادي وماشي شخص قليل ، لذلك أنا قررت نكافح ومنستسلمش تا نوصل للهدف ديالي لاني فعلا رجعت كنبغي هاد المهنة على الرغم من انني كنواجه نظرات الناس الغريبة للي كتقول هادي غادية تتعلم عند الكوردونيي وكلامهم كيفاش بنت ترضى تخدم بحال هاد الخدمة .لكن انا ما كيهمنيش لانني عارفة آش باغية و هدفي اسمى بكثير من هدرتهم وبلا بلا ديالهم ... اه نسيت ! تعلمت انو الانسان للي كيخدم فهاد الميدان لازم عليه يطور من ذاتو ويخدم بزاف وينفتح على أفكار جديدة باش يواكب تطورات العصر والموضة.
هذا ليس كل شيء تصفح باقي الصفحات وتعرف على باقي التفاصيل…
0 Komentar untuk "حذاء عصري بلمسة أمازيغية"