الطالب ما بعد التخرج . 🎖

- كيف كانعرفو كاملين ، قرينا فالافاك شفنا المقررات آشنو فيها و لكن ماعمرها كانت مكملة لك و لشخصيتك .. كانقراو دروس و مهارات . لكن المهارات الشخصية كاتعتامد عليك أنت كطالب او طالبة تتعلمها بنفسك . الطالب ماللي كايتخرج بنقطة عالية كايمشي يقلب على العمل فإذا به كايتفااجئ من رفض الشركات و أرباب العمل لطلب ديالو . علاش ؟ 

- دابة نجاوبكم على هاد السؤال و ركزو معايا : 

-كاين Hard skills وهوما دوك المهارات اللي كانقراوهم فالمقررات ديال الجامعات و المدارس .. المهارات الصعبة و التقليدية اللي دائما كانقراوهم عند اساتذة .. لكن هادش ماكافيش حيت 👇

- كاينين مهارات Soft skills و هي مهارات شخصية اللينة و المصقولة كايحتاجها الشخص باش يقدر يخدم او يتقبل من طرف رب العمل .. هاد المهارات او ما يسمى ب Employability Skills , كاتساعد في خلق جو ذو تفاعل مع الآخرين بطريقة سلسة و غير ملموسة .. و بها يكتسب الطالب طريقة التفاوض بشكل مقنع . 

Hard skills × Soft skills = value to group

- هاد Soft skills تعتبر العامل الأكثر أهمية فسوق الشغل و هي أكثر شيء كايركزوا عليها ارباب العمل فالخريجين .. غادي نستحضر ليكم 5 مهارات تحتاجها تكون فشخصيتك :

1- قابلية العمل الجماعي : او Collaboration skills كيف كانعرفو راه مايقدرش الانسان يدير كاع اعباء الحياة بوحدو و لابد من حضور الغير اي العمل على شكل مجموعات . هاد المهارة التعاونية لازم أنك تكون كاتمتع بيها باش تقدر توصل للهدف .

2- مهارة التواصل والعلاقات الشخصية : كيفما قال 'ثيودور روزفلت' "أهم عنصر في معادلة النجاح هو فن التعامل مع الآخرين" .. هاد المهارة ليها دور كبيير فتعزيز شخصيتك .. ماتتفاجؤش الى رفضوك فشي مقابلة عمل . يقدر حيتمكنيش كادير تتعامل مع شتى انواع الناس .. و هادشي غادي يخللي رب العمل يشوف ان شخصيتك ضعيفة و ماعجباتوش مثلا منحيت طريقة الهضرة و نبرة الصوت و طريقة التجاوب مع المدير ضعيفة .. بالعربية غاتكون كاتدخل و تخرج فالهضرة.

3- مهارة حل المشاكل : الاغلبية من الطلبة يفتقرون لمهارة حل المشاكل .. لكن الشركات و المدراء من متطلباتهم فالطالب هو اكتساب مهارة حل المشاكل يعني مهارات عليا فالتفكير و التحليل ، لان كما هو معروف الازمات الاقتصادية و العلمية وهاد الازمات عبارة عن تحدي ممكن تجي فأي لحظة و لهذا واجب عليك تواجه هاد التحديات .. هاد المهارة ممكن تكتاسبها من مواقف مخزية طحتي فيها .. واالتعلم من صيغ الحياة.. و تذكر قولة توماس إليوت "البحر الهادئ لا ينشئ بحارا ماهرا"

4- إدارة الوقت : قال بورتر توماس " الوقت هو الحياة ، و الحياة هي الوقت فإذا أضعت وقتك فإنك تضيع حياتك و إن سيطرت على وقتك سيطرت على حياتك .. مهارة ترتيب الوقت او Time management هي ترتيب الوقت حسب الاشغال اليومية .. هاد المهارة تساعدك من تجنب ضغوطات العمل و تراكم الاشغال عليك .. و إدارة الوقت تعني تتبع كل المشاريع المتعددة بطريقة منتظمة و فعالة . هاد Skills تكتسب من خلال تحمل المسؤولية فعدة مجالات من خلال اللجوء الى المشاركة فالاعمال التطوعية و البحث على تداريب او ما يسمى ب les stages

5-مهارة القيادة : هاد المهارة بالضبظ تحتاج ثقة بالنفس كبيييييرة ، و سطرو على كبييييرة ههه . الثقة باش تقدر تفرض آراءك فوسط المجموعة و تسيطر على ديك المجموعة و تخلليها في توازن و توافق فيما بينها .. هاد المهارة ديال Leadership skills تعتمد على النقاش طريقة التحاور مع الغير او يالأحرى مع المجموعة ديالك .. تتواصل معاهم بطريقة رطبة و توصل ليهم "الأمر" بطريقة زوينة و ظريفة .. و فنفس الوقت تكون صرم تفرض شخصيتك كرئيس فوسط المجموعة .

هذا ليس كل شيء تصفح باقي الصفحات وتعرف على باقي التفاصيل…

السابق

التالي